Түркістан облысында білім саласында жымқырылған 1,5 млрд теңге қайтарылды

Түркістан облысында Білім саласының 123 қызметкеріне қатысты 7 қылмыстық іс бойынша сотқа дейінгі тергеп-тексеру аяқталды, деп хабарлайды Orda.kz.

Бас прокуратураның мәліметінше, 7 қылмыстық істің бесеуімен процеске қатысушы тұлғалар танысып жатыр. Ал Сауран және Созақ ауданы білім бөлімдерінің қызметкерлеріне қатысты 2 іс облыс прокуратурасы арқылы сотқа жіберілді.

Тергеп-тексеру барысында күдікті тұлғалардан мемлекетке 1,5 млрд теңге залал өндірілген. Сонымен қатар олардың қылмыстық жолмен табылған 2,9 млрд теңге мүліктеріне тыйым салынды.