Түркістан облысында білім бөлімінің лауазымды тұлғалары жемқорлық жасады

Түркістан облысында жемқорлық жасаған 12 мүшесі бар топ анықталды, деп хабарлайды Orda.kz. 

Түркістан облысында Сыбайлас жемқорлыққа қарсы қызмет білім беру саласындағы жүйелі жемқорлық фактілерінің жолын кесті. Шардара ауданы білім бөлімінің лауазымды тұлғаларына қатысты сотқа дейінгі тергеу аяқталды. Өңірде 12 қатысушыдан тұратын тұрақты ұйымдасқан топ бюджет қаражатын жымқырып келген. Мәліметтерге сүйенсек, 2020-2023 жылдар аралығында бөлім басшылары мен есепшілер жұмыс істемеген жеке тұлғаларға, сондай-ақ өздерінің жеке шоттарына заңсыз жалақы аударған. 

Қылмыстық әрекет нәтижесінде мемлекетке 3,7 млрд теңге көлемінде залал келтірілді және жалпы сомасы 639,8 млн теңгенің залалы өтелді. Қазіргі уақытта қылмыстық іс сотқа дейінгі тергеудің аяқталғаны туралы есеп прокуратураға жолданды.