Түркістан облысында ағайындылар туабітті мүгедек бауырын зорлады: Сот өтіп жатыр

Түркістан облысы Келес ауданы Ұшқын ауылындағы 23 жастағы мүгедек жігітті 14 жыл бойы бауырлары зорлап келген. Сот отырысы жалғасып жатыр, деп хабарлайды Orda.kz. 

Туабітті мүгедек жігітті марқұм әкесінің бауырының балалары зорлаған. Оларға 9 жылға дейін бас бостандығынан айыру жазасы тағайындалуы мүмкін. Іс жабық режимде қаралып жатыр. Жәбірленушінің анасы осы жылдың наурыз айында сұмдық оқиғаны жайып салған еді. Тергеу бірнеше айға созылып, ақыры сотқа жолданды.

Қазір үш күдікті қамауда отыр. Бірақ әйелдің сөзінше, қылмысқа алты туысы қатысқан болуы мүмкін. Алайда олардың бір бөлігі кәмелетке толмағандығы мен дәлелдің жетіспеуіне байланысты жауапқа тартылмаған.

Айыпталушылар сотта кінәсін мойындамаған. Енді екі жақ та үкімнің жариялануын күтіп отыр.

Айта кетейік, бұған дейін Гүлзада Ахметова 23 жастағы ұлының 14 жыл бойы зорланғанын айтып, әділдік іздеген еді.