Түркістан облысында 20 жастағы алаяқ ойын арқылы кәмелетке толмағандардан ақша бопсалаған

Түркістан облысында 20 жастағы алаяқ жасөспірімдерді Garena Free Fire ойыны арқылы алдаған, деп хабарлайды Orda.kz.      

Полиция ойын ішіндегі бонустар мен ұтыстарды уәде етіп, кәмелетке толмағандардан ақша бопсалаған Шымкент тұрғынын ұстады. Осы сылтаумен күдікті банк карталарының деректері мен SMS-кодтарды алып отырған. Зардап шеккендердің бірі туысы телефонды ойын ойнауға бергеннен кейін 380 мың теңгесінен айырылған.

Тергеу барысында күдіктінің 60-тан астам жасөспіріммен байланысқа шыққаны, олардың 20-сы алаяқтықтың құрбаны болғаны анықталды. Ұстау кезінде одан бес ұялы телефон тәркіленді.

Қазір сотқа дейінгі тергеу жүргізіліп жатыр. Полиция күдіктінің осыған ұқсас басқа да қылмыстарға қатысы бар-жоғын тексеруде.

Оқи отырыңыз:

• Астана мен Алматы Халықаралық әйелдер күнін қалай қарсы алады
• Көкпардан әлем чемпионаты 15–21 наурыз аралығында Түркістанда өтеді
• Зеленский: Иранның әскери нысандарына жасалған шабуыл – дұрыс шешім