Түркістан облысында 14 жастағы оқушы 6 жасар қызды зорлап, 10 жылға сотталды

Түркістан облысында жасөспірім 10 жылға сотталды, деп хабарлайды Orda.kz. 

Жасөспірім биыл шілде айында жәбірленушіні көшеден ұстап алып, алдап, көпірдің астына апарған. Кішкентай қызға күш қолданып, оның дәрменсіздігін пайдаланып, зорлаған.

Сотталушы өзіне тағылған айыпты ішінара мойындап, жеңіл жаза тағайындауды сұрады.

Оның кінәсі жәбірленуші мен куәлердің жауаптарымен, сот сараптама қорытындысымен толық дәлелденді.

Сот үкімімен одан 8 млн теңге моральдық шығын өндірілді. 14 жастағы жасөспірім 10 жылға сотталды.

Айта кетейік, Алматыда 6 жастағы қызды анасымен қоса ұрып өлтірген ер адамға үкім шықты.