Түркістан облысында 10-сынып оқушысының денесі табылды

Түркістан облысының Бәйдібек ауданында 10-сынып оқушысының денесі табылды. Алдын ала мәліметтер бойынша, жасөспірім өз-өзіне қол жұмсаған, деп хабарлайды Orda.kz. 

Қайғылы жағдайға не себеп болғаны әлі белгісіз. Қазір өлім фактісі бойынша кәмелетке толмағанды қорқыту немесе жүйелі түрде қорлау арқылы суицидке жеткізгені үшін жауапкершілікті көздейтін бап бойынша сотқа дейінгі тергеу жүргізіліп жатыр. 

Облыс прокуратурасы іс бойынша прокурор тағайындалғанын, қажетті нұсқаулар берілгенін, тергеу ерекше бақылауға алынғанын мәлімдеді. Қазір тергеу амалдары жүргізілуде. 

Еске салайық, бұған дейін Түркістан облысында мүгедек баланы өлтірген әскери қызметкер қолға түскенін хабарлаған едік.