Түркістан облысы Дезинфекция орталығының бас директоры сотталды 

«Түркістан облысы бойынша дезинфекция орталығы» ШЖҚ РМК филиалының бас директоры К. Төрегелдиевке және жеке компанияның басшысы Д. Озықбаевқа қатысты үкім шықты. 
 
Бұл туралы Шымкент қаласы қылмыстық істер жөніндегі ауданаралық сот хабарлады.

Төрегелдиев пара беруге итермелеу және немқұрайлық танытқаны, ал Озықбаев пара беруге оқталғаны үшін кінәлі деп танылды. 

«Төрегелдиев республикалық мемлекеттік кәсіпорнында жүргізілген  аудиторлық тексеру барысында лауазымды тұлғаларға пара беріп, Озықбаевтың 500 мың теңге  ақшалай қаражатын алаяқтық жолмен иемденгені анықталды. Сондай-ақ, Төрегелдиев өз міндетін тиісінше орындамаған. Сол арқылы мемлекетке 2,2 млн теңге залал келтірді» делінген мәтінде.

Сот үкімімен Төрегелдиевке 3 жыл мерзімге бас бостандығынан айыру түріндегі жаза, Озықбаевқа 7,5 млн теңге көлемінде айыппұл тағайындалды. Сонымен қатар аталған адамдар мемлекеттік қызметте лауазымдарды атқару құқығынан өмір бойына айырылды. 

Үкім заңды күшіне енген жоқ.