Түркістан Назарбаевтың арқасында әсем қалаға айналды – Тоқаев

Қасым-Жомарт Тоқаев Түркістан облысы жұртшылығы мен қоғамдық өкілдермен кездесті, деп хабарлайды Orda.kz.

Мемлекет басшысы жаңа Достық үйінде болды. Ғимаратты аралап көрген президент зиялы қауым өкілдерімен және Қазақстан халқы Ассамблеясы мүшелерімен кездесу өткізді. Тоқаев Түркістанның болашағы зор екенін атап өтіп, ең алдымен өскелең ұрпаққа қолдау көрсету керектігін айтты.

«Қазіргі жағдайды бәріңіз жақсы білесіздер. Әртүрлі сыртқы қауіптер бар. Мұнда Түркістан облысында елу ұлттың өкілдері тұрады. Барлығына достық үшін, мемлекетіміздің дамуы жолындағы қажырлы еңбектері үшін алғыс айтамын. Қазақстанда фобия ешқашан болған емес және болмайды да, өйткені біз біртұтас, төзімді және еңбекқор халықпыз. Бұл ең маңызды нәрсе. Біз өзіміздің үйлесімділігімзді жалғаймыз», - деді Тоқаев.

Мемлекет басшысы Түркістан әсем де таза қалаға айналғанын – бұл Түркістанға облыс орталығы мәртебесін берген еліміздің тұңғыш президенті Нұрсұлтан Назарбаевтың еңбегі екенін ерекше атап өтті.