Түркиялық компания Астанада зауыт салуды жоспарлап отыр

Мемлекет басшысы Қасым-Жомарт Тоқаев Анкараға ресми сапары аясында YDA Holding компаниясының басқарма төрағасы Хусейн Арсланмен кездесті, деп хабарлайды Orda.kz.

Кездесу барысында түрік компаниясы Қазақстанда бірқатар инвестициялық жобаны жүзеге асыруға ниетті екенін мәлімдеді. Атап айтқанда, холдинг келесі бағыттар бойынша жұмыс істеуді жоспарлап отыр:

• Түркістан, Астана және Петропавл қалаларында көпбейінді ауруханалар салу;
• YDA Industrial Park өндірістік кластерінің аясын кеңейту;
• Астанада сэндвич-панельдер шығаратын зауыт салу;
• Ақтауда мультимодальды транзиттік хаб құру.

Қасым-Жомарт Тоқаев компанияның Қазақстанға деген стратегиялық қызығушылығын және іске асырылып жатқан инвестициялық бастамаларды жоғары бағалады.