Түркияда қазақстандық журналист пен қызы жол апатынан қаза тапты

Түркияның Алания қаласында екі қазақстандық оқыс оқиға салдарынан қаза тапты.

Бұл туралы TRT Haber арнасы хабарлайды.

Қайғылы оқиға 3 қыркүйекте болған. Екі көліктің соқтығысуы салдарынан үш адам қаза тапты. Басылымның мәліметінше, сафари көлігінде болған Қазақстан азаматы оқиға орнында, ресейлік турист пен 2 жасар қазақстандық әйел ауруханада көз жұмды.

Атырау облысы әкімінің орынбасары Жасұлан Бисембиевтің өзінің Telegram-арнасында хабарлағанындай, белгілі журналист, «Зейін Атырау» балаларды оңалту орталығының негізін қалаушы Арайлым Бақытжан жол апатынан қайтыс болды.

«Ол Анталияда ірі жол апатына ұшырады. Онымен бірге кішкентай қызы да қайтыс болды. Ал күйеуі ауыр халде ауруханада жатыр. Қазіргі уақытта Қазақстанның Түркиядағы елшілігімен келіссөздер жүргізіліп, емделуге барлық жағдай жасалып жатыр. Қаза тапқандардың мәйітін жеткізу жұмыстары да жүргізілуде. Қаза болғандардың туыстарына қайғырып көңіл айтамын» деп жазды Жасұлан Бисембиев.