Түркияда қазақстандық азамат қаза тапты

Түркияның Ыстамбұл қаласында қазақстандық достарымен бірге ас ішкен. Кейін сол мейрамханадан ішімдік сатып алған. Ол ішімдікті таныстарының көзінше ішіп отырып жан тапсырды, деп хабарлады Orda.kz. 

Өлімнің нақты себебі әлі айтылмады. Алайда қазақстандықтың өліміне жалған алкоголь себеп болуы мүмкін. Мейрамхана иесі М.Бурхан есімді азамат қамауға алынды.

Мәліметтерге сәйкес, Самат Иманбековты екі танысы мейрамханаға кешкі ас ішуге шақырған.  Келесі күні ер адам достары жұмыс істейтін шаштаразда ішімдік ішкісі келіп, сол мейрамханадан бір бөтелке ішімдік сатып алды. 6 ақпан күні сағат 21:00 шамасында Иманбеков сатып алған ішімдігін ішіп отырған. Бірақ көп ұзамай ұйқысы келгенін айтып, еденге жатып қалған. Достары оны оятуға тырысады, алайда оның тыныс алмай жатқанын байқайды.

Қазіргі уақытта өлімнің нақты себебі мен ықтимал кінәлілерді анықтау үшін тергеу жүріп жатыр.