Түркияда Instagram-ға кіру бұғатталды

Түркияның Ақпараттық технологиялар және байланыс басқармасы (BTK) елдегі Instagram-ға кіруге тыйым салды, деп хабарлайды Takvim.

Бұғаттау Түркиядағы наразылық толқынынан кейін болды. Instagram ХАМАС көшбасшысы Исмаил Хания өлтірілгендігі жайында жарияланымдарды жүйелі түрде жойды деп болжануда. Осыған байланысты Түркияның байланыс басқармасының басшысы Фахреттин Алтун  31 шілдеде Х әлеуметтік желісінде  Instagram-ның әрекеттерін айыптайтын мәлімдеме жасады. Алтун Instagram-да Хания туралы жарияланымдарды "анық және біржақты" бұғаттап, оны "цензура әрекеті"  деп атағанын атап өтті.

Басқарушы Әділет және даму партиясының (AK Parti) Орталық Атқару комитетінің мүшесі Омер Арвас Instagram-дағы әрекеттерге наразылығын білдірді.

"Бұл платформалар адамдар өз ойларын еркін жеткізе алатындай етіп жасалған, бірақ қазір олар террористік мемлекеттермен, террористік ұйымдармен және азғын құрылымдармен стратегиялық серіктестік құрып, ешқандай бақылаусыз ерікті цензураны қолданады",- деді Арвас.

Instagram және Facebook-ке иелік ететін Meta бұл мәселе бойынша әлі түсініктеме берген жоқ.