Түркияда адамдар жаңа жылды көліктерінде қарсы алды

Түркияда жарты сағатта үш рет жер сілкінісі болды. Жерасты дүмпулері Түркияның оңтүстік-шығысындағы Хаккари провинциясында тіркелді, деп хабарлайды Orda.kz.

Табиғи апаттарды басқару басқармасының (AFAD) хабарлауынша, магнитудасы 4,4 болатын бірінші жер сілкінісі жергілікті уақыт бойынша 19:37-де болған. Келесі жерасты дүмпулері 19:52-де 3,5 магнитудамен және 20:06-да 4,5 баллмен тіркелді.

Ntv.com.tr хабарлағандай, жер асты дүмпуі салдарынан 28 үйде жарықтар пайда болған.

Ал Хаккари провинциясының тұрғындары болуы мүмкін жер сілкінісі салдарынан үйлеріне қайтудан қорқып, жанармай құю бекеттерінің маңында көліктерде түнеуге мәжбүр болды.