Түркия ресми түрде БРИКС-ке қосылмақ

Түркия ресми түрде БРИКС-ке кіру үшін өтініш берді.

Бұл туралы Bloomberg хабарлады.

Bloomberg агенттігінің хабарлауынша, Түркияның ұйымға қабылдану мәселесі қазан айында шешілуі мүмкін. Бұл өтініш қазанның 22-24 аралығында Қазанда өтетін БРИКС саммитінде талқыланбақ.

Бұл жаңалықтан кейін Әзірбайжанның да БРИКС-ке кіру үшін ресми өтініш бергені белгілі болды. Биыл БРИКС-ке Египет, Иран, БАӘ, Сауд Арабиясы және Эфиопия сияқты бес жаңа ел қосылды. Қазіргі уақытта Ресей ұйымға төрағалық қызметін атқарып отыр.

Еске сала кетейік, Аргентина БРИКС-ке кіру жоспарынан бас тартқан болатын. Ұйым 2006 жылдың маусымында Петербург экономикалық форумында құрылды және жыл сайынғы саммиттер барысында іс-шаралар жоспары мен стратегиялары қабылданады.