Түркия ХАМАС-пен тұтқынға алынғандар туралы келіссөз жүргізуде

ХАМАС қолындағы адамдарды босату жөніндегі келіссөздер үдерісін Түркия басқарып отыр.

Бұдан бұрын аймақтағы шиеленістің одан әрі ушығуына жол бермеу қажеттігін айтқан президент Режеп Тайып Ердоған бұл мәселе бойынша келіссөздер үдерісін бастауға бұйрық берді.

Анкараның Израиль аумағында бейбіт тұрғындарды өлтіруге қарсы екені бұған дейін хабарланған болатын.

«Сол сияқты, біз Газада жазықсыз адамдардың бей-берекет жан тапсыруын қабылдамаймыз»,- деді Ердоған.

Айта кетейік, Израильде содырлармен қақтығыс кезінде 1200-ден астам адам қаза тапқан. Сондай-ақ 3400-ден астам адам жараланды, жүздеген адам тұтқынға алынды және хабарсыз жоғалып кетті деп саналады.