Түрікменстанда Сердар Бердімұхамедовке «сұлтан» атағын беру ұсынылды

Түрікменстанда елдің қазіргі президенті Сердар Бердімұхамедовке «сұлтан» атағын беру, ал билік басындағы Бердімұхамедовтер әулетіне «мәңгілік шаһтар» мәртебесін бекіту туралы бастама көтерілді, деп хабарлайды Orda.kz.

Бұл жөнінде жергілікті бұқаралық ақпарат құралдары хабарлады.

Ұсыныс 29 маусым күні жаңа Аркадаг қаласында өткен салтанатты шарада айтылды. Іс-шара Ұлт көшбасшысы Гурбангулы Бердімұхамедовтің туған күніне арналды. Түрікменстанның халық әртісі Джемал Сапарова мерекелік концертте:

«Тұрыңдар, Сердарға бас иіңдер. Ол өмір бойы патша болсын. Сұлтанды таққа отырғызыңдар!» деген жолдары бар ән орындады. 

Көп ұзамай бұл әннің бейнежазбасын «Аркадаг» телеарнасы жариялап, композиция бірден танылып кетті. Қазір оны өзге де әртістер де жиі орындап жүр.

Ресми түрде бұл ұсынысқа қатысты түсініктеме берілмегенімен, бастаманың қоғамда қызу талқыланып жатқаны байқалады.