Түнгі клубтың шатыры құлап, 79 адам көз жұмды

Доминикан Республикасындағы түнгі клубта шатыр құлап, 79 адам опат болды, деп хабарлайды Orda.kz. 

Доминикан Республикасының астанасы Санто-Домингодағы түнгі клубта жүзден аса адамды шатыр басып қалған. Нәтижесінде 79 адам ажал құшып, қалғандары ауыр жарақат алды. Опат болғандардың арасында Монте-Кристи провинциясының губернаторы Нельси Круз бар екені белгілі болды. 

Қазір шатыры ортасына түскен клубта іздестіру-құтқару жұмысы жүріп жатыр. Үйінді астында әлі адамдар бар екені анықталған. Ел президенті Луис Абинадер оқиға орнына барып, марқұмдардың туыстарына көңіл айтты. 

Еске салайық, қаңтар айында Түркиядағы тау шаңғысы курортында орналасқан қонақ үйде алапат өрт болды. Нәтижесінде 10 адам қайтыс болып, 32 адам зардап шекті.