Түнде Алматыда дрондардың жарық шоуы өтті

Аталған шоу сағат 21.00 Абай алаңында басталды. Іс-шараға 500-ге жуық аппарат тартылды. Orda.kz шоудың қалай өткенін көруді ұсынады.

Бүгін алматылықтар мен қала қонақтары жеңістің 80 жылдығына арналған бірегей жарық шоуға куә болды. Қала тұрғындары мен қонақтары шоуды қуана тамашалады.

Екінші дүниежүзілік соғысы жылдарында майданда ерлік көрсеткен даңқты қаһармандар қыздарымыз Мәншүк Мәметова мен Әлия Молдағұлованың, қазақтың батыр ұлы  Бауыржан Момышұлының бейнелері аспанда жарық жұлдыздай жанды.

Жарық анимациясының көмегімен олардың ерліктерінің символдық көріністері жарқырап көрінді.

Сондай-ақ, дрон-шоу бағдарламасында естелік символы ретінде ұшып бара жатқан тырналар бейнеленді, ал соңында қазақтың ою-өрнегі аясында «Жеңіс күні құтты болсын!» деген жазу көрінді.

Шоу үш жерден: Абай алаңы, «Қазақстан» қонақ үйі, Caspian University жанында және Абай даңғылы бойында (Назарбаев көшесінен Достық даңғылына дейін) әдемі көрінді.

Алматыда  «Батырларға тағзым» шеруі өтті.

Сондай-ақ, бүгін Алматыдағы «Алматы-2» вокзалында жеңістің 80 жылдығына арналған  «Естелік пойызы» акциясы өтті: бірінші жолға екінші дүниежүзілік соғыстың құрамдары ретінде айшықталған тарихи пойыз келіп тоқтады.