Тыйымға қарамастан Rixos қонақ үйінде Анна Седакова концертін өткізбек

Анна Седокованың жоспарланған шарасының бейнеафишасы «Rixos Water World Aktau» қонақ үйінің Instagram парақшасында жарияланды.

Бұл туралы Orda.kz lada.kz сайтына сілтеме жасап хабарлады.

Афишаға қарайтын болсақ, украиндық әншінің концерті 4 қыркүйек күні болу керек.

Естеріңізге сала кетейік, бұған дейін Маңғыстау облысы әкімінің орынбасары Гүлмира Қалмұратова бес жұлдызды қонақ үй аумағындағы барлық концерттер 31 шілдеден бастап тоқтатылады деп мәлімдеген болатын. Қызмет көрсету бөлмелерде ғана жүргізіледі.

«Rixos Water World Aktau» бас менеджері Серік Исағалиевтің айтуынша, эпидемиологиялық жағдай қалыпқа келгенше қонақ үй аумағында концерттер тоқтатылады.