Twitter директорлар кеңесі Илон Масктан «қорғануда»

Twitter директорлар кеңесі Илон Масктан «қорғану» үшін әрекет етіп, таңдалған стратегияны «улы дәрі» деп аталды.

Осы аттас әлеуметтік желіге иелік ететін Twitter директорлар кеңесі Tesla компаниясының бас директоры Илон Маск бастаған жаулық басып алудан қорғаныс ретінде акциялардың қосымша шығарылымы туралы шешім қабылдады, деп жазады  MarketWatch сайты.

Компания басшылығы таңдаған стратегия «улы дәрі» деп аталады, оның мақсаты сатып алу мақсатының тартымдылығын төмендету болып табылады.

Кез келген адам компанияның директорлар кеңесінің рұқсатынсыз Twitter-дегі үлесін 15% немесе одан да көп арттырса, қосымша шығарылым жүзеге асырылады. Шешім бір жыл бойы, 2023 жылдың 14 сәуіріне дейін жарамды болады.

Бұған дейін хабарланғандай Twitter-дегі үлесін шамамен 9,2%-ға дейін ұлғайтқан Илон Маск компанияны бір акциясын 54,2 долларға сатып алу туралы ұсыныс жасады, осылайша оны 43,4 миллиард долларға бағалады.

Нью-Йорк қор биржасы Пасха мерекелері үшін жабылғандықтан, Twitter акциялары жұма күні саудаланбады. Бейсенбіде компанияның қағаздары 1,7%-ға төмендеді, оның капиталы $36,1 млрд құрады.