Twitter Дональд Трамптың аккаунтын біржолата бұғаттады

Twitter Дональд Трампты біржолата бұғаттады. Мейлі ол АҚШ президенттігіне қайта сайланып, жеңіске жетсін, бірақ парақша оған қайтарылмайды. Бұл туралы сәрсенбіде әлеуметтік желінің қаржы директоры Нед Сегал CNBC-ге берген сұхбатында Трамптың платформаға оралуға мүмкіндігі бола ма деген сұраққа жауап бере отырып хабарлады.

Ол Twitter-дің зорлық-зомбылыққа шақыруға тыйым салатын ережелері алдында бәрі тең екенін ескертті.

Бұл мәлімдеме Сенатта Трампқа қарсы импичмент процедурасы жүріп жатқан кезде айтылды. Ақ үйдің бұрынғы басшысына 6 қаңтарда Капитолияға жасалған шабуылға шақырды деген айып тағылған.

10 ақпанда АҚШ-тың Джорджия штатындағы прокуратура АҚШ-тың бұрынғы президентіне қатысты қылмыстық іс қозғағаны белгілі болды.