«Туысы көмген»: 1,5 жыл жатқан адамның мәйіті өз анасының ауласынан табылды

Шымкентте ер адам өз туысын өлтіріп, марқұмның анасының ауласына көміп кеткені белгілі болды, деп хабарлайды Orda.kz. 

Otyrar.kz сайтының мәліметінше, туысын өлтірген қылмыскер қазір жазасын өтеп жатыр. Ол өз істеген ісіне өкінетінін, заңға қайшы әрекет істемеуі керек болғанын мәлімдеді. 

Туысын өлтіріп темір торға қамалған ер адам бәрі ішімдік ішуден басталғанын айтты. Туыстар арасында жанжал туындап, төбелес соңы өліммен аяқталады. Кейін ішімдікке мас болған ер адам марқұмның денесін анасының бақшасына көміп кетеді. Ал анасы болса, баласын іздеп, полицейлерге шағым түсірген. 1,5 жылдан кейін марқұмның анасы өмірден өтеді. Сол кезде ғана ер адам өз кінәсін мойындап, туысының мәйіті қайда екенін айтқан. 

Күдікті бұл қылмысы үшін 8 жылға сотталды. Ол №54 түзеу мекесінде жазасын өтеп жатыр.

Айта кетейік, Сарыағаштағы екі сәбиге қас қылған жасөспірім қамалмайтын болды.