«Туыстық байланысын пайдаланды»: Қайрат Боранбаевқа жаңа айып тағылды

Қайрат Боранбаевтың Қазақстан футбол федерациясының президенті Марат Омаровтың қайын атасы болғандығы ҚФФ-ға қаншалықты ықпал ететіні жайлы айтылды, деп хабарлайды Orda.kz.

Бұл жайлы Әрсен Сәрсеков өзінің Telegram-арнасында жазды. Ол өз жазбасында «Қайрат» клубының президенті Қайрат Боранбаевтың Қазақстан футбол федерациясындағы ықпалына тоқталды. Оның айтуынша, Боранбаев – ҚФФ президенті Марат Омаровтың қайын атасы болғандықтан осы туыстық байланыс арқылы маңызды шешімдерге әсер етіп отырған сияқты.

Атқарушы комитет отырысында Боранбаев жастар құрамасы бапкерлерін тағайындау тәртібімен келіспейтінін айтты. Оның сөзінше, шешім клубпен немесе комитетпен келіспестен қабылданған. «Қайрат» өз академиясынан бір бапкер ұсынған, бірақ ол қабылданбаған.

Боранбаев сонымен қатар ҚФФ ұлттық құрамалар департаментінің директоры Руслан Балтиевті де сынға алды. Ол Балтиевтің бапкерлерді таңдау тәсілін дұрыс  санамайды.

Тағы бір ерекше талап — Боранбаев төрешілер корпусын басқаратын португалиялық Нуну Каштруды арнайы тыңдауды ұсынды. Бұл — комитет отырысында сирек кездесетін жағдай.

Автордың айтуынша, бұл оқиғалар бір адамның федерацияға тым көп араласуына жол беріліп жатқанын көрсетеді. Егер ешкім қарсы шықпаса, бұл әрекетке рұқсат етілгендей көрінеді. Ал футбол федерациясы ешкімнің жеке мүддесіне тәуелді болмауы керек. Ол шешімнің бәрі елдегі футболдың дамуына бағытталуы тиіс екенін мәлімдеді.