«Туыстары мен кәмелетке толмағандар»: Түркістан облысында мүгедек жігітті 6 адам зорлап келген

Түркістан облысында 6 ер адам мүгедек жігітті зорлаған. Олардың арасында кәмелетке толмағандар да бар, деп хабарлайды Orda.kz. 

Бұл туралы «Не молчи» қоры әлеуметтік желідегі парақшасында жазды. Екі күн бұрын жігіттің туыстары қоғамдық қорға  жүгінген. Мүгедек жігіт - 24 жаста. Оның ақыл есі шамамен 3-4 жастағы баламен тең деп бағаланған. Ол санауды білмейді, күн мен уақытты ажырата алмайды, сәби сияқты ойлайды. Ал жігіттің отбасы Шымкенттен екі сағаттық жерде тұрады екен.

«Не молчи» қорының мәліметінше, жігіт болған жағдайды анасына айтқан. Себебі жігітте қатты ауырсыну болыпты. Жігіттің айтуынша, оны 5 жігіт бірнеше уақыттан бері зорлап келген. Соңғы рет ақпан айында зорлаған. Оның төртеуі ересек адам болса, екеуі әлі кәмелетке толмаған балалар екен.

Бұл сұмдық жағдай туралы бүкіл ауыл естиді. Содан кейін жігітті зорлағандар айыптарын бірден мойындап, кешірім сұраған. Ең масқарасы жігітті зорлағандардың төртеуі оның туысы болып шықты.  Жағдайды естігеннен кейін, мүгедек жігіттің әкесі зорлаушыларды «балталап өлтіремін» деп шу шығарыпты.

Кейін анасы арыз жазған. Өтініш алдымен қабылданбаған. Полиция жігіттің анасына бұқаралық ақпарат құралдарымен сөйлеспеу және таратпау керегін айтып, айыппұлмен қорқытқан. Енді «Не молчи» қоры бүкіл жауапты адамдардың бұл істі майшаммен қарауын талап етіп отыр. Әрі бала құқықтары жөніндегі уәкіл Динара Зәкиевадан бұл отбасыға толық қолдау көрсетуді сұрады. 

Еске салайық, бұған дейін Түркістан облысында 17 жастағы жігіт мектеп оқушысын бірнеше рет зорлап, өліп аламын деп қорқытқанын хабарлаған едік.