Тутушкин Біртановтың орнына ҚР Ұлттық банкі төрағасының орынбасары болды

Виталий Тутушкин Ұлттық банк төрағасының орынбасары болып тағайындалды, деп хабарлады Ақорданың баспасөз қызметі.

«Мемлекет басшысының өкімімен Тутушкин Виталий Алексеевич ҚР Ұлттық банкі төрағасының орынбасары болып тағайындалды» делінген хабарламада.

Тутушкин бұған дейін Ұлттық банктің ақша-несие саясаты департаментінің директоры болған.

«Мемлекет басшысының Өкімімен Есжан Амантайұлы Біртанов ҚР Ұлттық Банкі төрағасының орынбасары қызметінен босатылды» деп толықтырды Ақорда.

Еске салсақ, Біртанов 2019 жылдың наурыз айынан бері Ұлттық банк төрағасының орынбасары қызметін атқарып келген.