Тұрмыстағы зорлық-зомбылық құрбандары еңбек демалысын ала алады

Тұрмыстағы зорлық-зомбылық құрбандары еңбек демалысын ала алады, деп хабарлайды Orda.kz порталы.

Еңбек кодексінің «Әйелдер құқықтары мен балалар қауіпсіздігін қамтамасыз ету» бөлігіне енгізілген түзетулерге сәйкес жұмыс берушілер тұрмыстағы зорлық-зомбылықтан зардап шеккен қызметкерге ақысыз демалыс беруге міндетті.

«Жұмыс беруші тұрмыстағы зорлық-зомбылықтан зардап шеккендер арнаулы әлеуметтік қызметтер көрсететін ұйымдарда болған кезеңде жалақысы сақталмайтын, бірақ күнтізбелік отыз күннен аспайтын демалыс беруге міндетті» делінген түзетуде. 

Түзетулер 2024 жылғы 16 маусымнан бастап қолданысқа енгізіледі.