Тұрлыхановтың ұлына 1,5 жылға бас бостандығынан айыру үкімі шықты

Депутат Дәулет Тұрлыхановтың ұлы Нұрасыл Болатқа Алматы қаласы Медеу ауданының №2 аудандық соты 1,5 жылға бас бостандығынан айыру үкімін шығарды, деп хабарлайды Оrda.kz.

Нұрасыл Болат жазасын орташа қауіпсіздіктегі колонияда өтейді. Оған нақты 1,5 жыл 10 күнге бас бостандығынан айыру үкімі шығып, сот залында қамауға алынды. 

Айта кетейік, депутаттың ұлына пробациялық бақылауға қатысты 2 рет ереже бұзу бойынша айып тағылған болатын. Алғашқысы 2024 жылдың 11 қазанында тіркелді.

Ол күні Нұрасыл Болат «Elegant Hall» түнгі клубында болды, бұл көңіл көтеру орындарына баруға тыйым салу ережесін бұзу деп есептелді. Екінші ереже бұзу фактісі 12 қазанда орын алды, ол кезде оның «Queen» караоке-барда болғаны анықталған болатын.