Тұрлыхановтың ұлы сот үкіміне шағымдануға ниетті

Мәжіліс депутаты Дәулет Тұрлыхановтың ұлы Нұрасыл Болаттың адвокаттары оны колонияға қамау туралы сот шешіміне апелляциялық шағым түсірді, деп хабарлайды Orda.kz.

Жақында Мәжіліс депутатының ұлы түрмеге жіберілді. Алайда Болат үкімге шағымдануға ниетті, бұл туралы заңгер Анна Чернова хабарлады.

«Депутат Тұрлыхановтың ұлы Нұрасыл Болаттың адвокаттары апелляциялық шағым түсірді. Біз күтеміз», деп жазды Анна Чернова Instagram-да.

21 қазанда сот оны пробациялық режимді бұзғаны үшін 1 жыл 5 айға колонияға жіберді. Нұрасыл Болаттың блогер Арай Ысқақованың туған күнін тойлауы мен түнгі уақытта караоке-барға баруының салдары осындай шешімге себеп болды.

Жоғарғы соттың шешімінен кейін заңгерлер Олег және Анна Черновтарға шабуыл жасағаны үшін депутаттың баласына пробациялық қадағалау тағайындалды.