Туған қызын зорлады деген ақпаратқа қатысты полиция түсініктеме берді

ADIL қайырымдылық қорына көмек сұрап кәмелетке толмаған қыз жүгінді. Ол өзінің туған әкесі оны бірнеше жыл бойы зорлап келгенін айтты. Полиция осы жайлы түсініктеме берді, деп хабарлайды Orda.kz.

Қор қыздың анасы арызын қайтарып алды, ал қыз зорлықшының үйіне қайта оралды деп дабыл қаққан болатын.

Ұйым қыздың және анасының мойындауы бейнеленген бейнежазбаны жариялады. Алайда дауыстарын өшіріп жариялапты.

Қазіргі таңда қыз 15 жаста. Қыздың әпкесі қорға әкесінің ең алғаш рет сіңлісін кішкентай кезінде зорлағанын көргенін айтты.

Аудиохабарламада ол қарындасының жылап, көмекке шақыра бастағанын, бірақ мас әкесінің оны ұрып, үндемеуді бұйырғанын жеткізді. Оқиға түнде, бір бөлмеде болған.

Кейін қыздың анасы қызының сөздерін жоққа шығарып, екеуі де өтірік айтқанын мәлімдеді. Ол мемлекеттік сараптамадан бас тартты.

«Біз зиян тигізгіміз келіп, бәрін ойдан шығардық — ештеңе болмады», — деді қыздың анасы Шәмшия.

Білім басқармасы құрған комиссия отбасының үйіне барып қайтты. Анасы да, баласы да бұрын айтқандарын теріске шығарды.

Orda.kz Алматы қаласының білім басқармасы мен полиция департаментінен ресми түсініктеме сұрады.

«Алатау аудандық полиция басқармасы тексеру жүргізді. Тексеру барысында қыз әкесіне жала жапқанын, оны телешоулардың бірінен көрген сценарий бойынша жасағанын айтты. Объективті мән-жайлар анықталып жатыр»,  деп түсіндірді полиция басқармасы.