Түркиядан келген жалған доллардың жайы

Қаржы мониторингі агенттігінің Қостанай облысы бойынша департаменті жоғары сапалы доллар өндірумен айналысқан қылмыстық топтың әрекетін тоқтатты.

Қылмыскерлер жалған шетел валютасын республика бойынша таратқан. Түркиядан Қазақстанға әкелінген 30 мың жалған доллардың 28 мың 600 доллары сотқа дейінгі тергеу барысында анықталып, тәркіленді.

«Жедел-іздестіру және тергеу іс-шаралары барысында Түркия Республикасы астанасынан біздің елге жалған шетел валютасын жеткізудің барлық тізбегі әшкереленді»  деп хабарлады Қаржы мониторингі агенттігінің баспасөз қызметі.

Тергеу соты 3 адамға қатысты қамауға алу түріндегі бұлтартпау шарасына санкция берді.