Түркиядағы зілзала кезінде 4 қазақ жоғалып кетті

Түркия мен оған көршілес бірқатар мемлекетте 7,8 балдық жер сілкінісі болып, табиғи апат бірталай адам өмірін жалмады.

Қазіргі ақпаратқа сәйкес, үйлер мен ғимараттар қирандыға айналған. Тоқаев қайғылы жағдайға байланысты Түркия президенті Режеп Тайып Ердоғанға көңіл айту жеделхатын жолдап, Қазақстанның атынан Түркияға көмек қолын созды.

ҚР Сыртқы істер министрлігі Түркияда зілзаладан зардап шеккендер мен қаза тапқандардың арасында Қазақстан азаматтары жоқ екенін хабарлаған. Бірақ қазақстандық 4 азаматтың жоғалғаны туралы ақпарат тарады.

– Қанша азамат жоғалғаны туралы ресми ақпарат жоқ. Бірақ әлеуметтік желідегі соңғы ақпараттарға қарағанда, төрт Қазақстан азаматы жоғалып кетті деген мәлімет шығып жатыр. Үшеуі – Хатай провинциясында, біреуі – Аданада, - деді 8 ақпанда Азаттық сұрағына жауап берген Түркияның Қазақстандағы елшісі Уфук Екиджи.