Түркиядағы жер сілкінісінен қаза тапқандар саны 50 800-ге жақындады

Түркияда ақпан айында елдің оңтүстігінде болған күшті жер сілкінісінен кейін пайда болған үйінділер әлі де тазартылуда.

Түркияның оңтүстігінде ақпан айында болған жойқын жер сілкінісінен қаза тапқандар саны 50 783-ке жетті. Бұл туралы 21 сәуірде CNN Türk телеарнасының эфирінде Түркияның ішкі істер министрі Сүлейман Сойлу мәлімдеді. Anadolu агенттігінің хабарлауынша, қаза тапқандар арасында 7 302 мигрант бар.

Министрдің айтуынша, 985 мәйітті анықтау жұмыстары жүргізілуде, олардың арасында шетелдіктер болуы мүмкін. Қазіргі уақытта аймақтағы қоқыстарды тазарту жұмыстары AFAD бақылауымен және әкімдердің үйлестіруімен жүргізілуде.

6 ақпанда Түркияның оңтүстік-шығысында екі жойқын жер сілкінісі болды. Жер сілкінісінің магнитудасы жеті баллдан асты. Жер сілкінісінің жаңғырығы тіпті көрші елдерде де: Сирияда, Ливанда, Солтүстік Кипрде, Грекия Кипрінде және Иракта сезілді. Үйінділерді тазалауға көмектесу үшін Түркияға  түрлі елдерден, соның ішінде Қазақстаннан да құтқару топтары барды.