Түркиядағы жер сілкінісінен 46 мыңға жуық адам қаза тапты

Түркия Ішкі істер министрі Сүлейман Сойлу Хатай провинциясындағы AFAD аймақтық үйлестіру орталығында мәлімдеме жасады.

— Бүгінге дейін жер сілкінісі салдарынан 45 968 000 адам қаза тапты, олардың 4 267-сі Сирия азаматтары, - деді Түркияның ішкі істер министрі.

Сондай-ақ ол бірінші жер сілкінісінен бері 13 мыңнан астам рет қайталама жер сілкінісі болғанын атап өтті.

— Жалпы 26 300 ғимарат қирады. Оның 26 ​​032-сінде қирандылар астынан іздестіру-құтқару жұмыстары жүргізілді, - деді ол.

Еске салайық, 6 ақпанда Түркияда 7,8 балдық жер сілкінісі болды. Жер сілкінісінен мыңдаған ғимараттар мен көпқабатты үйлер қирады. Түркиядағы қайғылы оқиғадан кейін 188 құрылыс салушы мен мердігер қамауға алынды.