Түркияда жер сілкінісінен бір адам қаза тапты

Бүгін Түркияның Малатия провинциясында 5,6 балдық жер сілкінісі болды. Жараланғандар мен қаза болғандар бар.

Түркия үкіметі жанындағы Төтенше жағдайлардың алдын алу және зардаптарын жою басқармасының (AFAD) мәліметінше, табиғи апат салдарынан 25 үй қирап, 1 адам қаза тауып, 69-ы жарақат алған, деп хабарлайды Anadolu.

Құтқарушылар оқиға орнында. AFAD халықты зардап шеккен ғимараттардан аулақ болуға шақырды.

Еске салайық, 6 ақпанда Түркияда 7,7 және 7,6 балдық екі жер сілкінісі орын алды. Жерасты дүмпулерінің ошағы Кахраманмараш провинциясы болды. Олардың артынан көршілес провинциялар, сондай-ақ Сирия территориясыда дүмпулер қайталанды. Түркия мен Сириядағы жер сілкінісінен қаза тапқандар саны 50 мыңнан асты.

Тергеу аясында жер сілкінісінен қираған ғимараттарға жауапты құрылыс салушылар мен мердігерлер қамауға алынды. 188 адам қамауға алынды.