Түркияда құрылыс ережелерін бұзған 100-ден астам адам іздестірілуде

Түркия билігі құлаған үйлерді салу ережелерін бұзғаны үшін кінәлі деп танылған 131 адамға іздеу жариялады.

Түркияның қауіпсіздік күштері республиканың оңтүстік-шығысында жер сілкінісі салдарынан құлаған үйлерді салу ережелерін бұзған күдіктілерді іздестіруде. Бұл туралы жексенбі күні жергілікті арналардың эфирінде Түркия вице-президенті Фуат Октай мәлімдеді.

«131 күдікті жер сілкінісі салдарынан ғимараттардың құлауына кінәлі деп танылды. Олардың бірі қамауға алынып, 113-ін қамауға алу туралы шешім қабылданды. Күдіктілерді іздестіру жұмыстары жүргізілуде» деп келтіреді ТАСС ресми өкілдің сөзін.

Бұған дейін сарапшылар қираған ғимараттардан көптеген ақауларды анықтаған болатын. Бұқаралық ақпарат құралдары Шанлыурфа провинциясында ірі құрылыс фирмалардың мердігерлері бар сегіз адамның қамауға алынғанын хабарлады.

Сондай-ақ, полицейлер ұлттық зұлматты қолма-қол ақшаға пайдаланбақ болған тонаушылармен күресуде. Құқық қорғау органдары қазірдің өзінде сегіз провинцияда 48 күдіктіні ұстады – қаскөйлердің  кейбірін жазалау  ұйымдастырғысы келген ашулы жергілікті тұрғындардан құтқаруға тура келген.