Түркияда қаза тапқан қазақстандықтардың денесі Алматыға жеткізілді

Қайтыс болған жерлестеріміздің мәйіттері Антакия қаласынан Анталияға одан 11 ақпан күні кешке Алматыға жеткізілді.

ҚР Сыртқы істер министрлігінің ресми өкілі Айбек Смадияровтың айтуынша, барлық көлік шығындарын мемлекет өз мойнына алған.

— Біздің консул Сабина Мамадяроваға барды, оның денсаулығы жақсы. Жарақат алған қолына ота жасалды. Дәрігерлердің айтуынша, ол әлі біраз уақыт бақылауда болуы керек, - деді Смадияров.

Еске салсақ, 6 ақпан күні таңертең Түркияда күшті жер сілкінісі болды. Кейінірек Түркияның орталық бөлігінде магнитудасы 7,8 болатын тағы бір күшті жер сілкінісі тіркелді.

Жер сілкінісінен кейін Түркияда жүрген қазақстандық Сабина Мамадярова үйіндінің астында қалды. Оның қолы сынды. Ал Әділ Қадырбековтың денесі үйінді астынан 9 ақпанда шығарылды. Кейін құтқарушылар тағы бір қазақстандық Мирболат Құрмашевтың денесін тапты.

Соңғы төрт күнде Түркиядан 124 қазақстандық шығарылды. Алматыда Түркияда зардап шеккендерге гуманитарлық көмек жинағы жарияланды.

Соңғы мәліметтер бойынша, Түркияның оңтүстік-шығысындағы табиғи апаттан зардап шеккендер саны 22 мыңнан асты, тағы 80 мыңнан астамы жараланған.