Түркия жаһандық қауіпсіздік үшін НАТО-ның кеңеюін қолдайды

Ердоған әкімшілігінің коммуникациялар басқармасы басшысының айтуынша, альянстың кеңеюі «тұрақты бейбітшілік пен тұрақтылық кепілі».

Түркия НАТО-ның «ешбір елге зиянсыз» географиялық кеңеюін , әскери блокты жан-жақты қауіпсіздік ұйымына айналдыруды қолдайды. Бұл туралы Middle East Eye журналына берген сұхбатында Түркия президенті әкімшілігінің коммуникациялар басқармасының басшысы Фахреттин Алтын айтты, деп жазады РБК.

Оның айтуынша, Түркия НАТО-ның дүние жүзіндегі ең күрделі операцияларына қатысудан ешқашан тайынбаған, сонымен қатар қорғаныс саласына қомақты қаржы құйып, әскери блок елдері жұмсауы қажет ЖІӨ-нің 2 пайызын құрайтын мақсатқа тез жақындап келеді.

Ол Түркия альянстың кеңеюі «бүкіл әлемде тұрақты бейбітшілік пен тұрақтылықтың кілті» деп санайтынын, бірақ нақты бір елге қарсы НАТО-ның географиялық кеңеюін қолдамайтынын атап өтті.

Алтын Шығыс пен Батыс арасындағы географиялық құрлық көпірі мен Қара теңізге апаратын су жолдарын бақылайтын Түркияның «батыс лагерінде болуы өте маңызды» деді.

«Түркияның НАТО-ға ұзақ және терең міндеттемесі Еуропаны қорғады. Оның үздіксіз қатысуы континент қауіпсіздігі үшін өте маңызды» деп жазды ол.

Түркия 1952 жылдан бері НАТО мүшесі және альянстың екінші үлкен армиясына ие.

Айтпақшы, бұған дейін Түркия Финляндия мен Швецияның НАТО-ға кіруіне қарсы болған.