Түркия мен Сирияға азық-түлік үшін БҰҰ қорынан 77 миллион доллар сұралды

Бүгінде бұл елдердегі жер сілкіністері 22 мыңнан астам адамның өмірін қиғаны белгілі.

«Дүниежүзілік азық-түлік бағдарламасы (WFP) Түркия мен Сириядағы күшті жер сілкінісінен зардап шеккен халықты азық-түлікпен қамтамасыз ету үшін БҰҰ қорынан 77 миллион доллар сұрады» деп хабарлайды WFP.

Қазіргі уақытта Сирияда 284 мың адам, Түркияда 590 мың адам тұрғылықты жерін тастап кетуге мәжбүр болды.

Соңғы төрт күнде Дүниежүзілік азық-түлік бағдарламасы Түркия мен Сириядағы 115 мың адамға азық-түлік жеткізді.  Түркия мен Сирияда болған жер сілкінісі аймақтағы соңғы жылдардағы ең үлкен жер сілкінісі болды және 22 мыңнан астам адамның өмірін қиды.

Оқиға саларынан қаза тапқандар саны  2011 жылы Жапонияда болған  адам өліміне әкелген жер сілкінісі құрбандарының санынан  асып түсті. Ол кезде 20 мыңға жуық адам қайтыс болып, тағы 2,5 мыңға жуық адам із-түзсіз жоғалды деп хабарланды.