Түркістанда екі науқас өздеріне қол жұмсады

Түркістан қалалық 1-арнаулы әлеуметтік қызмет көрсету орталығында екі науқас бірінен соң бірі өзіне-өзі қол жұмсап, асылып қайтыс болды. Бұл туралы Orda.kz тілшісіне Түркістан облысының жұмыспен қамтуды үйлестіру және әлеуметтік бағдарламалар басқармасы хабарлады.

Басқарма мәліметінше, екі науқасқа да «шизофрения» диагнозы қойылған. Екеуі ме 2-топ мүгедегі. Бірі - 60 жаста, екіншісі - 46 жаста. Екеуі де асылып қайтыс болған. 

- Екі адам да диагнозына сәйкес суицидке бейім. 60 жастағы азаматтың артынан 16 жылдан бері туыстары іздеп келмеген. Ал 46 жастағы азамат туыстарымен көрісіп тұрған, - делінген хабарламада. 

Қайғылы оқиға туралы туған-туыстары мен құқық қорғау органдарына хабар берілген. 

Полиция бұл туралы әзірге ақпарат бермеді.