Түркістан облысында заңсыз ойын бизнесінің сегіз фактісінің жолы кесілді

Түркістан облысында заңсыз ойын бизнесінің сегіз фактісінің жолы кесілді, деп хабарлайды ҚР ІІМ баспасөз қызметі.

«Түркістан облысы ІІД Ұйымдасқан қылмысқа қарсы күрес басқармасының қызметкерлері Сарыағашта ойын бизнесін ұйымдастырудың сегіз фактісінің жолын кесті» делінген хабарламада.

Полицияның мәліметінше, Сарыағаш ауданының екі тұрғыны осыған ұқсас қылмыстары үшін сотталғанына қарамастан, заңсыз ойын бизнесі – электронды казиноны қайта ұйымдастырған.

Алдын ала мәліметтер бойынша, бір ғана мекеменің заңсыз әрекетінен ай сайынғы табысы 1 миллион теңгеден астам ақша, аппараттық-бағдарламалық кешен, техникалық құралдар, құжаттар, ақша және басқа да заттай айғақтар тәркіленді.

«Қазіргі уақытта аталған фактілер бойынша сотқа дейінгі тергеу амалдары жүргізілуде. ҚР Қылмыстық кодексінің 307-бабы (заңсыз ойын бизнесін ұйымдастыру) бойынша қылмыстық іс қозғалды. Тергеу әрекеттері барысында қылмыс жасауға қатысы бар басқа адамдардың да кінәсі анықталады. Барлық мән-жай анықталуда» деді полиция.