Түркістан облысында ұйымдасқан қылмыстық топтың мүшесі ұсталды

Түркістан облысының тұрғыны полицияға хабарласып, белгісіз біреулер оның ұлын ұрып-соғып, қарумен қорқытып, құны 3 миллион теңге тұратын жылқысын озбырлықпен тартып алғанын айтты.

Жедел-іздестіру шараларының нәтижесінде Түлкібас ауданының үш тұрғыны ұсталды. Олардың бірі ұйымдасқан қылмыстық топтың мүшесі болып шықты.

Мал заңды иесіне қайтарылды.

Аталған факті бойынша ҚР Қылмыстық кодексінің 389-бабының 3-бөлігі бойынша сотқа дейінгі тергеу амалдары жүргізілуде.