Түркістан облысында суға кеткен шетелдік студенттің денесі табылды

Түркістан облысы Төле би ауданындағы Ақсу өзенінен осыдан үш жарым ай бұрын суға батып кеткен шетелдік екі студенттің бірінің денесі табылды.

Облыстық төтенше жағдайлар департаменті баспасөз қызметінің мәліметінше, Ақсу өзенінің Ханарық ауылының тұсынан табылған мәйітті полиция сараптама жасау үшін алып кеткен. Екінші студентті іздеу жалғасып жатыр.

26 маусым күні Ханарық ауылынан 5 шақырым қашықта орналасқан Ақсу шатқалындағы Ақсу өзеніне шомылуға барған бір топ шетелдік студенттің екеуі суға батып кеткен. Кейіннен олардың Үндістаннан келгені, Шымкенттегі Оңтүстік Қазақстан медицина академиясының студенттері екені белгілі болған.