Түркістан облысында 9-сынып оқушысын айуандықпен өлтірген тағы бір азамат ұсталды

Түркістан облысында тоғызыншы сынып оқушысын айуандықпен өлтіру ісі бойынша тағы бір адам ұсталды, деп хабарлайды ІІМ ресми интернет-ресурсы.

«Түркістан облысының полицейлері каналдан мәйіті табылған қызға қатысты жаңа деректерді анықтады. Еске салайық, Ордабасы ауданында 9-сынып оқушысының пышақ жарақаты бар денесі каналдан табылған болатын. Күдікті ретінде 11-сынып оқушысы қамауға алынды. Сондай-ақ, оқиғаға қатысы бар екінші күдіктінің жеке тұлғасы анықталды. Ол қамауға алынды. Бұл жергілікті тұрғын, жас жігіт болып шықты. Күдіктілер қылмысын мойындап, қылмысты қалай жасағанын жан-жақты көрсетті. Бүгінгі таңда екеуі де қамауда» делінген хабарламада.

Қылмыстық іс ҚР Қылмыстық кодексінің 99-бабының 2-бөлігі (кісі өлтіру) бойынша тергелуде.

«Оқиғаның барлық мән-жайы тергеу барысында анықталады. Тергеу барысы облыстық ДП басшылығының жеке бақылауында» делінген хабарламада.