Түркіменстан Өзбекстанға сұйытылған газ береді

Сұйытылған газды Түркіменстан Өзбекстанға достық және бауырластық көмек ретінде береді.

Түркіменстан президенті Сердар Бердімұхамедов газдың тегін партиясын жеткізу туралы тиісті бұйрыққа қол қойды, деп жазады Anadolu. Бұйрықта газ «достық пен бауырластық тату көршілік қарым-қатынастарды одан әрі нығайту және достық және бауырластық қолдау көрсету мақсатында» беріліп отырғаны көрсетілген.

Құжаттарға сәйкес, «Түркіменгаз» мемлекеттік концерні сұйытылған газдың тиісті көлемін Өзбекстан Республикасына тегін береді. Бұған дейін Өзбекстан билігі елдегі ауа-райының суытуы мен энергия ресурстарының тапшылығына байланысты газ, электр энергиясы, көмір және мазут импортын күшейту туралы шешім қабылдаған болатын.