Түнде Екібастұздағы жылу электр орталығында төтенше жағдай болды

Екібастұзда түнде жылу электр орталығында төтенше жағдай орын алды, деп хабарлайды «Екібастұзтеплоэнерго» ЖШС.

«7 қаңтарда Екібастұз станциясында төтенше жағдай орын алды. Үш қазандық қондырғы жұмысын жалғастырды, кезекті қорғаныс шараларымен жұмыс істеп тұрған үш қазандық тоқтатылды. Жөндеу-технологиялық  жедел іс-шаралары жүргізіліп, таңға дейін екі қазандық іске қосылды»  деп хабарлайды компанияның баспасөз қызметі.

Ақпаратқа сәйкес, қазір бес қазандық жұмыс істеп тұр. Қалада ауа температурасы 47 градусқа дейін төмендеді. Қазір  қалада ауа температурасы ақырынап  көтерілуде.

Сондай-ақ, жылыту кезеңіне байланысты барлық тұрғындарға Екібастұз қаласы тұтынған жылу энергиясына қайта есептеу жүргізілетіні айтылды.

Тұрғындар әлеуметтік желіде соңғы бір айдан бері батареяның жылымайтынын айтып шағымдануда. Олардың айтуынша, қалада ауа температурасы күрт төмендеген.

7 қаңтардағы жағдайға қатысты компания күннің соңына дейін тағы бір қазандық жөндеуден кейін іске қосылады  деп уәде берді.