Түркістан облысында түрік компаниясы банан өсіріп жатыр

GenGroup Qazaqstan түрік компаниясы Қазақстанның оңтүстігінде банан өсіруді қолға алды. Жеміс ағаштары өсіп жатыр.

Ауыл шаруашылығы министрлігінің баспасөз қызметі жақын арада жылыжай тағы 5 гектарға кеңейтілетінін хабарлады. Бұл жылына шамамен 1000 тонна банан өндіруге мүмкіндік береді. Алғашқы өнімді 6-8 айдан кейін жинау жоспарланып отыр. 

Экзотикалық жемістерден басқа, жылыжайда қызанақ пен құлпынай өсіріледі. Жобаның құны бірінші кезеңде 4 миллион АҚШ долларына тең. Түрік компаниясы құрылыс кезінде  жоғары беріктігі бар құрылымдарды пайдаланды, жылыжайлар климаттық бақылаумен және бейімделгіш қоректендіру жүйесімен жабдықталған, бұл өсімдіктердің генетикалық әлеуетін тіпті қолайсыз ауа-райында да толық ашуға мүмкіндік береді.