Трамптың басты қарсыласы Рон ДеСантис АҚШ президентті сайлауына қатысады

Флорида штатының губернаторы Рон ДеСантис АҚШ-тың Федералдық сайлау комиссиясына 2024 жылғы президенттік сайлауға өзінің кандидатурасын жариялау туралы хабарлама жіберді.

Ол бұрынғы президент Дональд Трамппен Республикалық партияның кандидатурасы үшін таласады.

Бірнеше сағаттан кейін ДеСантис президенттікке қатысатына туралы өзінің Twitter-інде, сондай-ақ Twitter Spaces платформасында Илон Маскпен сұхбатында жариялады.

Маск пен оның көптен бергі досы әрі серігі Дэвид Сакстың қатысуымен өткен бұл тұсаукесер техникалық ақауларға ұшырады: бастапқыда 300 000 адамды біріктірген хабар «қатты» және ұзақ уақыт үзілді.

Бұған дейін Wall Street Journal ұйымдастырған шарада Маск президенттік сайлауға қатысу туралы хабарландыру алғаш рет әлеуметтік желілерде жарияланатынын мәлімдеді. Сонымен бірге Масктың өзі ДеСантистің кандидатурасын қолдайтыны белгісіз, Twitter-де осы талқылауды жүргізуге келісіп, Флорида губернаторына өз платформасын ұсынады.

ДеСантистің мәлімдемесі Майамидегі сайлау науқаны үшін қаражат жинаудың басталуымен тұспа-тұс келді және оның алдағы президенттік сайлауға шынымен қатысқысы келетін-келмейтіні туралы оның жақтастары арасында бірнеше айға созылған болжамдарға нүкте қою болды.

ДеСантис өзін жақсы тәжірибесі бар және Трампқа тән жанжалсыз табысты консервативті саясаткер ретінде көрсетеді деп күтілуде.

Біраз уақыттан бері ДеСантис сауалнамада Трамптан озып шықты және Джо Байден үшін перспективалы бәсекелес болып саналды.