Трамп Зеленскиймен болған жанжалдан кейін бірқатар мәлімдеме жасады

АҚШ президенті Дональд Трамп Ақ үйде Украина көшбасшысы Владимир Зеленскиймен болған жанжалды кездесуінен кейін «Украина Ресеймен қақтығысты тоқтатпаса, Киев ауыр зардаптарға тап болатынын» айтты, деп хабарлайды Orda.kz РИА Новостиге сілтеме жасап.

«Не соғысты аяқтайсыңдар, не оны бұрынғы қалпында қалдырасың да, не болатынын көресің. Оны қаламаса соғыса берсін», - деді Трамп Air Force One ұшағына мінер алдында журналистерге.

Оның айтуынша, Зеленский соғысты жалғастырғысы келеді, ал АҚШ «тез арада атысты тоқтатуға» ұмтылуда.

«Бүгін Зеленскиймен кездестім, мен оның көзқарасы бойынша кездесу жақсы болмады деп айтар едім. Менің ойымша, ол ұтылды. Біз бейбітшілік жолын қарастырып жатырмыз. Біз күшті үкіметке қол қойып, кейін бітімгершілікке келмейтін адамды іздемейміз, өйткені ол өзін өте батыл сезінеді. Біз 10 жылға созылған соғысқа кіріп, ойын ойнағымыз келмейді. Біз бейбітшілікті қалаймыз», - деді Трамп.

Ол Украина президентінің «қадамдары өте әлсіз» екенін айтты. Трамп Зеленский «бейбітшілікті қаламайды» деді. Оның айтуынша, Ресей президенті Путин «бұны тоқтатқысы келеді» екен.

«Бұл біздің көмегімізбен күресті жалғастырғысы келетін адам. Біз олай істемейміз», - деді Ақ үй басшысы.

Трамптың айтуынша, АҚШ-пен келіссөздерді жалғастыру үшін Зеленский бейбітшілікті қалайтынын айтып,  Путин туралы жағымсыз сөздерді де тоқтатуы керек екен.

«Келіссөздерді бастау үшін Зеленский бейбітшілікті қалайтынын айтуы керек, ол: «Путин анау, Путин мынау» деп айта бермесін. Бұның бәрі жағымсыз.  Ол «Мен бейбітшілікті қалаймын, мен енді соғысқым келмейді. Адамдар өліп жатыр» деуі керек», - деді Трамп.