Трамп Үшінші дүниежүзілік соғыс үш айдан кейін басталуы мүмкін деп болжады

АҚШ президенттігіне үміткер Дональд Трамп қазіргі америкалық үкіметтің әрекетіне байланысты жаһандық ауқымдағы ықтимал әскери қақтығыс туралы қауіптенетінін айтты, деп хабарлайды Orda.kz.         

Бұл пікірін ол RSBN YouTube арнасында көрсетілген Калифорниядағы үгіт-насихат жиынында сөйлеген кезінде айтты.

Трамп үшінші дүниежүзілік соғысқа жол берді деп қазіргі АҚШ президенті Джо Байденді айыптап, оның басшылығы кезінде қақтығыс үш айдан кейін басталуы мүмкін екенін атап өтті.

«Алдағы үш-төрт айда үкіметтегі адамдардың кесірінен дүниежүзілік соғыс отын тұтатып аламыз ба, деп алаңдаймын», - деді ол.

Бұған дейін Трамптың президенттің қауіпсіздік қызметі мен әскери ұшақ талап еткені хабарланған болатын. АҚШ-тың қазіргі президенті Джо Байден қауіпсіздік үшін қажет нәрсенің бәрін пайдалатынын айтты.

Елде президент сайлауы 5 қарашада өтеді. Демократиялық партияны АҚШ-тың қазіргі көшбасшысы Джо Байден ұсынады деп болжанған, бірақ Республикалық партияның кандидаты болған Трамппен маусым айындағы пікірсайыстағы «өнерінен» кейін ол сайлаудан бас тарту туралы шешім қабылдады.

Чикагода өтіп жатқан Демократиялық партия конгресінің делегаттары АҚШ президенттігіне ресми түрде  кандидат ретінде   елдің вице-президенті Камала Харристі бекітті.