Трамп Украина мен Ресей арасындағы соғысқа украиндықтарды кінәлап, ақшаның есебін сұрады

Президент Трамп АҚШ пен Ресей арасындағы келіссөздерге пікір білдірді. Ол Украина басшыларын айыптап, Владимир Зеленский «соғысты бастамауы керек еді» деп мәлімдеді, деп хабарлайды Orda.kz. 

Президенттік науқан кезінде Трамп соғысты тоқтатуға уәде бергенін еске алды.  Ол АҚШ пен Ресейдің ресми өкілдері кездесуінен кейін Украина өкілдерінің қатысуынсыз сөз сөйледі.

«Менің ойымша, бұл соғысты тоқтатуға мүмкіндігім бар. Бұл өте жақсы жүріп жатыр. Бірақ бүгін мен Украина тарапынан «біз шақырылмадық» деген сөз естідім. Олар соғысқалы үш жыл болды. Олар бұл соғысты үш жыл ішінде аяқтауы керек еді. Олар соғысты бастамауы керек еді. Соғыс болмағанда бірде-бір адам өлмейтін еді, бірде-бір қала қиратылмайтын және бірде-бір күмбез бұзылмайтын еді. Бірақ олар кері шешім қабылдады», — деді Трамп. 

Трамптың айтуынша, Украина соғыс мәселесін бұдан бұрын шешіп тастауға мүмкіндігі бар болған. АҚШ президенті соғыстың әлі күнге дейін жалғасып жатқанына Киевті кінәлады. Әрі АҚШ олардан көмек ретінде бөлген ақшаны қайда жұмсағаны туралы есепті талап етті.

Трамп сонымен қатар АҚШ пен Ресей Федерациясының Эр-Риядтағы келіссөздерінен кейін Украинадағы қақтығысты реттеу туралы келісімге қол жеткізетініне «әлдеқайда сенімді» болғанын айтты.